Online Safety Tips : నెట్ లో సెక్యూర్ గా ఉండాలంటే | Keep Safe your Online Presence

Online Safety Tips

ఉదయాన్నే లేస్తే చాలు మనం వాడే ఫోన్లోని ప్రతీ చర్యా మన పర్సనల్ సెక్యూరిటీని ప్రశ్నిస్తూనే ఉంటుంది. మీరు మొబైల్ అన్లాక్ చేసిన దగ్గరనుండి, మీరు మళ్ళీ నిద్రపోయే వరకూ మీ డాటా మీకు తెలీకుండానే మీ చేతుల్లోంచి చేజారిపోతూనే ఉంటుంది. మంచి స్పెసిఫికేషన్లతో మంచి ఫోను కొందాం, మంచి హస్పీడ్ ల్యాప్టాప్ కొందాం, అని ఎంత ఇంట్రెస్ట్ చూపిస్తామో అంతకన్నా ఇంటరెస్ట్ ను మనం వాటిని వాడే సమయంలో కూడా చూపించండి.
ఈ డిజిటల్ ప్రపంచంలో మనమెంతవరకూ సేఫ్ అని మిమ్మల్ని మీరు ఒక్కసారి ప్రశ్నించకోండి. మీ డిజిటల్ సెక్యూరిటీని పరిరక్షించుకోండి

నెట్ లో సెక్యూర్ గా ఉండాలంటే

ఆన్‌లైన్‌లో కనిపించకుండా ఉండటం అంటే ఏమిటి?

మీరు ఉదయం లేవగానే మొబైల్ తో మనం చేసే ప్రతీపనీ రికార్డు అయిపోతోంది. అందుకే ఆన్‌లైన్‌లో Anonymous గా ఉండాలంటారు. అంటే ఆన్‌లైన్ లో కనిపించకుండా ఉండాలి. మనం ఎవరో గుర్తు తెలీకుండా ఉండాలి. అలా అని ఆన్ లైన్ లో Anonymous గా ఉండటం అంటే ఒక్క బటన్ నొక్కి పూర్తిగా మాయమైపోవడం కాదు. మన గురించి అనవసరమైన సమాచారం బయటకు వెళ్లకుండా చూసుకోవడం, వేర్వేరు పనులకు వేర్వేరు అకౌంట్లు ఉపయోగించడం, అవసరం లేని చోట వ్యక్తిగత వివరాలు ఇవ్వకపోవడం—ఇవే అసలు ముఖ్యమైన విషయాలు.

ఇక్కడ ఒక విషయం గుర్తుంచుకోవాలి. ఇక్కడ మనం ప్రైవసీ వేరు మోసం వేరు అని గమనించాలి. బ్యాంక్ అకౌంట్ తెరవడానికి లేదా కొన్ని ప్రభుత్వ సేవలు ఉపయోగించడానికి నిజమైన వివరాలు అవసరం కావచ్చు ఇలాంటి చోట ప్రైవసీ పేరుతో నకిలీ డాక్యుమెంట్లు  ఇవ్వడం నేరం. కానీ ఒక డిస్కషన్ ఫోరం లేదా న్యూస్‌లెటర్‌లు, తాత్కాలిక సమాచారం కోసం లాగిన్ అయ్యే వెబ్సైట్లకు మీ ఇంటి చిరునామా, వ్యక్తిగత ఫోన్ నంబర్ ఇవ్వడం సరైంది కాదు. ఇలా ప్రతి చోట ఒకే స్థాయిలో సమాచారం ఇవ్వాల్సిన అవసరం లేదు.

అలాగే Privacy, Anonymity, Security మూడు ఒకటే కావు. Privacy అంటే మీ సమాచారం ఎవరు చూడాలి, ఎలా ఉపయోగించాలి అన్నదానిపై మీకు నియంత్రణ ఉండటం. Anonymity అంటే ఒక పని చేసిన వ్యక్తి ఎవరో గుర్తించడం కష్టమవడం. Security అంటే మీ అకౌంట్లు, డివైస్‌లు, డేటాను దాడుల నుంచి కాపాడటం. నిత్యజీవితంలో ఈ మూడింటికీ మధ్య బ్యాలెన్స్ అవసరం.

ఉదాహరణకు, మెసేజ్‌ను ఎవరూ చదవలేని విధంగా Encryption చేసినా, ఎవరు ఎవరికి మెసేజ్ పంపారు, ఎప్పుడు పంపారు అనే వివరాలు బయటపడవచ్చు. ఇక్కడ మెసేజ్ కంటెంట్ సురక్షితంగా ఉండటం వేరు, మీ గుర్తింపు బయటపడకపోవడం వేరు. Incognito Mode వాడితే బ్రౌజర్ మీ హిస్టరీని అదే డివైస్‌లో సేవ్ చేయకపోవచ్చు. కానీ మీరు ఏ వెబ్‌సైట్ చూశారో ఆ వెబ్‌సైట్‌కు, ఇంటర్నెట్ సర్వీస్ ప్రొవైడర్‌కు లేదా ఆఫీస్ నెట్‌వర్క్‌కు తప్పనిసరిగా కనిపించదని అనుకోవద్దు. కాబట్టి ప్రైవసీ సెక్యూరిటీ పేరుతో ఆన్‌లైన్‌లో పూర్తి అదృశ్యంగా మారాలనే లక్ష్యం పెట్టుకోకండి. బదులుగా, ఏ సమాచారం ఎవరికి ఇస్తున్నాం, దాని అవసరం ఏమిటి, ఎంతకాలం నిల్వ ఉంటుంది అనే ప్రశ్నలు వేసుకోండి. డిజిటల్ ప్రపంచంలో ఇంటెలిజెంట్ గా, ఉండటానికి ఇదే మొదటి అడుగు. ఆన్లైన్ పై మనం అనేకరకాలుగా ఆధారపడ్డాం. ప్రతీ అడుగులోనూ అప్రమత్తత అవసరం, ఈ రోజు నుండి డిజిటల్ ప్రపంచంలో మిమ్మల్ని మీరు సేక్యూర్ గా ఉంచుకోవడానికి కావల్సిన చిట్కాలు తెలుసుకుందాం. ఈ రోజు మీ Digital Trail ను అంటే ఇంతవరకూ ఆన్లైన్లో మీరు చేసిన వివిధ చర్యల ద్వారా మీరు వదిలిన మీ ఆనవాళ్ళు ఎలా చెక్ చేసుకోవాలి? అనే వివరాలు తెలుసుకుందాం.

• ఇంటర్నెట్‌లో మనం వదిలే ఆనవాళ్లను Digital Trail అంటారు. ఇది మన సోషల్ మీడియా పోస్టులకే పరిమితం కాదు. పాత ఫోరమ్ అకౌంట్లు, ఆన్‌లైన్ షాపింగ్ ప్రొఫైల్స్, ఫోటోలు, కామెంట్లు, పబ్లిక్ బయోగ్రఫీలు, పాత బ్లాగులు, డేటా లీక్‌లలో కనిపించే వివరాలు—ఇవన్నీ మన డిజిటల్ ఆనవాళ్లలో భాగమే.
• ప్రతి వివరాన్ని విడిగా చూస్తే పెద్ద ప్రమాదంలా అనిపించకపోవచ్చు. కానీ వాటిని కలిపితే మీ ఉద్యోగం, నివాస ప్రాంతం, రోజువారీ అలవాట్లు, స్నేహితుల నెట్వవర్క్ వంటి విషయాలు మిమ్మల్ని గమనించే వాళ్ళకు అర్థమయ్యే అవకాశం ఉంది. అందుకే Digital Trail Audit చేసుకోవాలి. అంటే మన గురించి ఆన్‌లైన్‌లో ఏమేమి కనిపిస్తున్నాయో ఒక క్రమపద్ధతిలో చెక్ చేసుకోవడం.
• మొదట మీ పేరు, వాడే యూజర్‌నేమ్‌లు, పాత ఈమెయిల్ అడ్రస్‌లు వంటి వివరాలతో ఆన్లైన్ సెర్చ్ చేయండి. ఒకే పేరుతో ఉన్నవారు మరొకరు కూడా ఉండొచ్చు కాబట్టి, గమనించి మ ీ వివరాలు ఎక్కడెక్కడ కనిపిస్తున్నయో గుర్తించండి. ఫోటోలు, ప్రొఫైల్ వివరాలు, లింకులు క్రాస్ చెక్ చేసుకుని చూసుకోండి.
• తర్వాత అవి ఏ ఏ అక్కైంట్ల ద్వారా వచ్చాయో తెలుసుకునేందుకు మీ పాత అకౌంట్లను గుర్తించండి. ఏవి ఇప్పటికీ ఉపయోగిస్తున్నారు? ఏవి ఎన్నో సంవత్సరాలుగా తెరవలేదు? ఏ అకౌంట్లలో మీ పాత ఫోన్ నంబర్ లేదా మీ పర్సనల్ ఫోటోలు ఉన్నాయి? గుర్తించండి అవసరం లేని అకౌంట్లను క్లోజ్ చేయండి.. కానీ చేసే ముందు,వాటిలో మీ వ్యక్తిగత లేదా ఆఫీస్ సంబంధించిన డాక్యుమెంట్లు కానీ ఇతన వివరాలు కానీ ఉంటే వాటిని పూర్తగా డిలీట్ చేసేయండి.
• ముఖ్యంగా సోషల్ మీడియా Privacy Settingsను కూడా చెక్ చేయాలి. మీ పోస్టులు అందరికీ కనిపిస్తున్నాయా? ఫోన్ నంబర్ లేదా ఈమెయిల్ ద్వారా ఎవరు మిమ్మల్ని ఐడెంటిఫై చేస్తారు? పాత ఫోటోలలో మీ Location కనిపిస్తుందా? ట్యాగ్ చేసిన పోస్టులను ద్వారా మీ సమాచారం ఎక్కడైనా తెలుస్తోందా? ఇలాంటి అంశాలను ఒక్కొక్కటిగా చెక్ చేసుకోండి.
• ఈ మెయిల్ కానీ ఉపయోగించని పాత అకౌంట్లను తొందరపడి డిలీట్ చేయడం కంటే, ముందుగా ఏ సమాచారం బయట కనిపిస్తోందో ఒక చెక్ చేసుకోవడం. అలాగే అనుమానాస్పద వెబ్‌సైట్లలో మీ వ్యక్తిగత వివరాలు ఒకటికి పదిసార్లు చెక్ చేసుకుని వాటిని డలీట్ చేయండి, అవి ఎక్కడా క్లౌడ్ పబ్లిక్ ఫోల్డర్లలో ఉండకుండా జాగ్రత్తపడాలి.
• చివరగా Digital Trail Audit లో భాగంగా మీ గురించి కనిపించే ప్రతి సమాచారాన్ని పూర్తిగా తొలగించడం సాధ్యం కాకపోవచ్చు. లక్ష్యం ఇంటర్నెట్‌ను ఖాళీ చేయడం కాదు. అవసరం లేని సమాచారాన్ని తొలగించడం, మిగిలిన సమాచారాన్ని పరిమితం చేయడం, వేర్వేరు అకౌంట్లను ఒకదానితో ఒకటి అనవసరంగా లింక్ కాకుండా చూసుకోవడం. ఇదే ఉపయోగకరమైన Digital Trail Audit.